Lagalegur fyrirvari

Tölvupóstsendingar

Efni þessa tölvupósts og viðhengja kann að vera trúnaðarmál. Ef sá sem tekur við þessum tölvupósti er ekki réttur viðtakandi er hann vinsamlegast beðinn um að tilkynna sendanda og eyða tölvupóstinum og viðhengjum án þess að afrita, dreifa eða notfæra sér þau á nokkurn hátt. Sé efni þessa tölvupósts og viðhengja ótengt starfsemi T Plús hf. er sendandi einn ábyrgur. Óheimil notkun getur varðað bótaábyrgð og refsingu.

T Plús hf. ber ekki ábyrgð á rangri eða ófullgerðri sendingu upplýsinganna sem tölvupósturinn inniheldur, né heldur töfum á afhendingu hans eða tjóni sem kann að verða á tölvukerfi þínu vegna móttöku hans. T Plús hf. ábyrgist ekki öryggi tölvupóstsins né að hann sé laus við vírusa eða að afskipti eða íhlutun þriðja aðila hafi ekki átt sér stað.

Upplýsingar um fyrirtæki eða fjármálagerninga hafa eingöngu upplýsingagildi og fela á engan hátt í sér tilboð eða ráðleggingar um kaup eða sölu verðbréfa eða þátttöku í fjárfestingum.

Vefsíða

Upplýsingar á vefsíðu T Plús hf. (hér eftir „T Plús“ eða „félagið“) eru birtar samkvæmt bestu vitund T Plús á hverjum tíma og er ekki tekin ábyrgð á viðskiptum sem gerð eru á grundvelli þeirra. T Plús ábyrgjast ekki réttmæti upplýsinganna hvort sem þær koma frá félaginu eða þriðja aðila. T Plús er ekki skylt að uppfæra það sem fram kemur á vefsíðunni og upplýsingarnar kunna að breytast án fyrirvara.

T Plús ber ekki í neinum tilvikum ábyrgð á tjóni sem rekja má til upplýsinga sem birtast á vefsíðu T Plús né heldur á tjóni sem rekja má beint eða óbeint til notkunar á vefsíðu félagsins. T Plús ber ekki í neinum tilvikum ábyrgð á tjóni sem rekja má til þess að ekki er hægt að nota vefsíðuna um lengri eða skemmri tíma.

T Plús á höfundarrétt á upplýsingum sem birtast á vefsíðunni nema annað sé tekið fram eða verði leitt af eðli máls. Óheimilt er að dreifa upplýsingunum, afrita þær eða nýta með öðrum hætti án skriflegs samþykkis T Plús. Ekki skiptir máli hvers eðlis eðlis þær upplýsingar eru né í hvaða tilgangi ætlunin er að endurbirta þær, afrita þær eða dreifa þeim. Viðskiptavinum T Plús er þó heimilt að vista slíkar upplýsingar til einkanota.

Upptaka símtala, geymsla og vistun gagna

Í því skyni að tryggja öryggi viðskiptavinar og T Plús er viðskiptavini kunnugt um að viðskiptasímtöl við félagið kunna að vera hljóðrituð án sérstakrar tilkynningar í hvert sinn. Hið sama gildir um samtöl í gegnum aðra rekjanlega miðla, til dæmis Teams. Ekki er ábyrgst að öll símtöl séu hljóðrituð.

Símaupptökur eru gerðar á grundvelli heimildar í lögum um fjarskipti og skyldu samkvæmt 2. mgr. 23. gr. laga nr. 115/2021 um markaði fyrir fjármálagerninga. Viðskiptavini er kunnugt um að upptökur kunna að verða lagðar fram í dómsmáli og/eða notaðar sem sönnunargagn í öðrum tilvikum komi upp ágreiningur um hvað aðilum fór á milli. Að öðru leyti skal T Plús fara með upptökur líkt og með aðrar upplýsingar er lúta þagnarskyldu, sbr. 58. – 60. gr. laga nr. 161/2002 um fjármálafyrirtæki.

Öll gögn sem innihalda upplýsingar um viðskipti viðskiptavina og framkvæmd þeirra eru vistuð hjá T Plús í að lágmarki fimm ár.